Goedemorge/middag/avond, wea zien Kiet de Diek.
Kiet de diek is oeits us bestoan toen ein deil herders (6 man) in 98 (of 99) ein kiet zien begos in de loeds biej slots...op "de diek". Zous ut neat zegge, mer doa kumt dus ouch de naam vanaaf. Zoals idder kiet werd ouch in de diek zo noe en dan gezellig ein pilske gedrone. Joare verstreke, volk werd oad, miense haaie de kiet verloate, en sommige kwaame durbie. Oeteindelijk hubbe in 2005 de jonge van toenmalig "Kiet de Goeiekanjt", gevestigd op de spurkt zich aangesloate biej "Kiet de diek". De twie groepe trokke toch al genog met elkaar op en 6 veerkanjte meter per man vonge de jonge van de diek get te vuul. Toen ging de persoenlikke leafplaats van 6 veerkantje meater truuk noa 1.8. (veur de rekeners onger os, we ware met toen ineins met 20 man). Ouch dit is urgus rondj 2007 weer oetgebreid met get sjurgers vanne maastroat noa oeteindelijk 20-25 man.
Op hedendaagse momente is dediek euveral veur parraat. We stoan met os bliej kup op elk fiesje (behalve in near) as dur mer beer te vinge is (det mos ffkes gezag weure vanoet os boers motto). Sommige miense zulle zegge det we besjaafd volk zien....dees miense zalle de meiste van os wel neat kenne.
Zoe det waas weer ozze macho proat euver oszelf. Asse nog neat genog wets euver os mosse mer unne kier langskomme. Asse genog hubs van os is det dien eige probleem.
Auf wiederschnitzel.
